Farer orollari va Qozog‘iston terma jamoalari Millatlar ligasi doirasidagi uchrashuvda g‘olibni aniqlay olmadi. Bahs 1:1 hisobida yakunlandi.
Maydon egalari 15-daqiqada hisobni ochdi. Oki Samuelsen o‘z imkoniyatidan foydalanib, Qozog‘iston darvozasini ishg‘ol qildi — 1:0.
Qozog‘iston javob golini uzoq kuttirmadi. 26-daqiqada Temirlan Yerlanov raqib darvozasini ishg‘ol qilib, hisobni tenglashtirdi — 1:1.
Shundan so‘ng har ikki jamoa oldinga chiqish uchun imkoniyat izladi, ammo birinchi bo‘lim oxirigacha hisob o‘zgarmadi.
Ikkinchi bo‘limda ham jamoalar g‘alaba goli uchun kurashni davom ettirdi. Farer orollari o‘z maydonidagi ustunlikdan foydalanishga harakat qildi, biroq tomonlarning hech biri yaratilgan vaziyatlarni golga aylantira olmadi.
