18 ёшли Жесси Бисиву "Барселона" юлдузлари билан танишуви ҳақида гапирди.
У ўтган ёзда "Брюгге"ни тарк этиб, каталонияликлар сафига қўшилган эди.
"Бу ҳақиқатан ҳам тушга ўхшайди. Бирданига Ямал, Рафинья, де Йонг, Педри каби футболчиларнинг ёнида бўлиб қоласан.
Уларнинг мақоми жуда юқори бўлишига қарамай, аслида барчаси жуда самимий инсонлар. Улар мени илиқ кутиб олди ва мен дарҳол ўзимни эркин ҳис қила бошладим.
WhatsApp’даги умумий гуруҳга бирор нарса ёзишга журъат қиламанми? Биринчи ҳафталарда фақат жим ўқиб юрасан, кейин эса аста-секин ўзингни эркинроқ ҳис қила бошлайсан.
Ламин аслида жуда сокин йигит, у билан оддий гаплашиб ўтириш мумкин. Илк кунларда у мендан қаердан келганимни, қандай футболчи эканимни ва ўзимни қандай ҳис қилаётганимни сўради. Жуда яхши йигит", — деди Бисиву.
