Франция терма жамоаси ва «Манчестер Сити» ярим ҳимоячиси Райан Шерки ҳозирча «Олтин тўп»ни қўлга киритиш ҳақида ўйламаётганини айтди.
Француз футболчиси жорий йил дунёнинг энг яхши футболчисига бериладиган соврин учун 30 нафар номзод рўйхатига киритилмаган.
Ундан «Олтин тўп»ни ютиш орзуси бор-йўқлиги сўралганда, Шерки шундай жавоб берди:
«Йўқ, ҳозир бу ҳақда ўйламаяпман.
Мен футболни яхши кўрадиган ўйинчиман. Бу ерга сиёсат билан шуғулланиш ёки қандайдир ҳисоб-китоблар қилиш учун келмаганман. Мен бу ерда шунчаки ўзим бўлишни истайман», — деди Шерки.
