Fransiya terma jamoasi va «Manchester Siti» yarim himoyachisi Rayan Sherki hozircha «Oltin to‘p»ni qo‘lga kiritish haqida o‘ylamayotganini aytdi.
Fransuz futbolchisi joriy yil dunyoning eng yaxshi futbolchisiga beriladigan sovrin uchun 30 nafar nomzod ro‘yxatiga kiritilmagan.
Undan «Oltin to‘p»ni yutish orzusi bor-yo‘qligi so‘ralganda, Sherki shunday javob berdi:
«Yo‘q, hozir bu haqda o‘ylamayapman.
Men futbolni yaxshi ko‘radigan o‘yinchiman. Bu yerga siyosat bilan shug‘ullanish yoki qandaydir hisob-kitoblar qilish uchun kelmaganman. Men bu yerda shunchaki o‘zim bo‘lishni istayman», — dedi Sherki.
