Дания терма жамоаси УЕФА Миллатлар лигаси гуруҳ босқичи 2-турида Уэльсни 2:0 ҳисобида мағлуб этди.
Копенгагендаги "Паркен" стадионида ўтган учрашувда ҳисоб 53-дақиқада очилди. Уэльс ҳимоячиси Бен Дэвис тўпни ўз дарвозасига киритиб қўйди.
66-дақиқада Густав Исаксен Даниянинг иккинчи голини урди.
Исаксен 24-дақиқада ҳам гол киритган эди, аммо VAR текширувидан сўнг офсайд қайд этилди ва гол бекор қилинди.
Ушбу ғалабадан кейин Дания 3 очко жамғариб, Норвегия, Португалия ва Уэльс жой олган гуруҳда 3-ўринни эгаллаб турибди.
Норвегия ва Португалияда ҳозирча 3 тадан очко бор. Уэльс эса дастлабки икки ўйиннинг ҳар иккаласида ҳам мағлуб бўлди.
3-турда Дания 1 октябрь куни ўз майдонида Португалияни қабул қилади. Шу куни Уэльс Норвегияга қарши ўйнайди.
