Италия терма жамоаси бош мураббийи Роберто Манчини "Манчестер Сити"га нисбатан молиявий қоидабузарликлар бўйича қўйилган айбловлар ҳақида фикр билдирди ва бу ишга алоқаси йўқлигини таъкидлади.
Аввалроқ "Манчестер Сити" 115 та айбловнинг 114 таси бўйича айбдор деб топилгани ҳақида хабар берилган эди. Иш материалларида Манчинига иккинчи шартнома орқали тўловлар амалга оширилгани ҳақидаги даъволар ҳам тилга олинган.
"Менимча, "Манчестер Сити" айбдор деб топилгани ҳақида гапириш тўғри эмас, аксинча. Бу муаммо менга тааллуқли эмас ва бу янги масала ҳам эмас.
Иккинчи шартнома ҳам менинг муаммом эмас. Агар бу кимгадир тегишли бўлса, кўпроқ уларга тегишли", — деди Манчини.
Айблов томонининг талқинига кўра, Манчини "Манчестер Сити"да ишлаган даврда икки келишувга эга бўлган. Биринчиси — йилига тахминан 1,69 миллион евролик расмий шартнома.
Иккинчиси эса Абу-Дабининг "Ал-Жазира" клуби билан тузилган қўшимча келишув бўлиб, унга кўра Манчини йилига атиги тўрт кунлик маслаҳат хизмати учун 2,03 миллион евро олган.
Айбловда қайд этилишича, иккинчи шартнома бўйича тўловлар амалда "Манчестер Сити" билан боғлиқ тузилмалар орқали амалга оширилган.
