Italiya terma jamoasi bosh murabbiyi Roberto Manchini "Manchester Siti"ga nisbatan moliyaviy qoidabuzarliklar bo‘yicha qo‘yilgan ayblovlar haqida fikr bildirdi va bu ishga aloqasi yo‘qligini ta’kidladi.

Avvalroq "Manchester Siti" 115 ta ayblovning 114 tasi bo‘yicha aybdor deb topilgani haqida xabar berilgan edi. Ish materiallarida Manchiniga ikkinchi shartnoma orqali to‘lovlar amalga oshirilgani haqidagi da’volar ham tilga olingan.

"Menimcha, "Manchester Siti" aybdor deb topilgani haqida gapirish to‘g‘ri emas, aksincha. Bu muammo menga taalluqli emas va bu yangi masala ham emas.

Ikkinchi shartnoma ham mening muammom emas. Agar bu kimgadir tegishli bo‘lsa, ko‘proq ularga tegishli", — dedi Manchini.

Ayblov tomonining talqiniga ko‘ra, Manchini "Manchester Siti"da ishlagan davrda ikki kelishuvga ega bo‘lgan. Birinchisi — yiliga taxminan 1,69 million yevrolik rasmiy shartnoma.

Ikkinchisi esa Abu-Dabining "Al-Jazira" klubi bilan tuzilgan qo‘shimcha kelishuv bo‘lib, unga ko‘ra Manchini yiliga atigi to‘rt kunlik maslahat xizmati uchun 2,03 million yevro olgan.

Ayblovda qayd etilishicha, ikkinchi shartnoma bo‘yicha to‘lovlar amalda "Manchester Siti" bilan bog‘liq tuzilmalar orqali amalga oshirilgan.