Италия терма жамоаси Миллатлар лигасидаги навбатдаги циклни омадсиз бошлади. Жамоа Бельгияга 0:2 ҳисобида мағлуб бўлди. Ушбу натижага Италиянинг асосий футболчиларидан бири Сандро Тонали муносабат билдирди.

«Кўпчиликнинг кайфияти тушиб кетди, аммо ўйиндан кейин бўладиган барча нарсани — трибуналардаги ҳуштакбозликдан тортиб, ўзимиздаги аламгача — қабул қилишимиз керак.

Биз ёмон ўйнадик ва мағлубиятга лойиқ эдик. Яхшиямки, уч кундан кейин яна майдонга тушамиз. Биз зудлик билан ўзимизга келишимиз керак.

Бирга кўпроқ вақт ўтказишимиз ва ҳақиқий жамоага айланиш устида ишлашимиз зарур. Бизда ўйин тақдирини ёлғиз ўзи ўзгартириб юборадиган юлдуз футболчи йўқ.

Вақт ўтиши билан кучли жиҳатларимиз ўзини кўрсатишига ишонаман», — дея Тоналининг сўзларини derbyderbyderby.it нашри келтирди.

Эслатиб ўтамиз, Италия терма жамоаси кетма-кет учта жаҳон чемпионатини ўтказиб юборган.