Англия терма жамоасининг собиқ вингери Раҳим Стерлинг янги клуб топишда қийинчиликларга дуч келмоқда. 31 ёшли футболчи ҳозирда эркин агент мақомида.

Foot Mercato маълумотига кўра, Стерлинг «Гавр»га таклиф қилинган, бироқ француз клуби уни таркибига қўшиб олишдан бош тортган. Жамоа таркибида қанот футболчилари етарлича экани ҳисобга олинган. Франция чемпионатининг яна бир номи ошкор этилмаган клуби ҳам Стерлинг ва унинг вакиллари таклифини рад этган.

Футболчи февраль ойида «Фейеноорд»га ўтган эди. Бироқ у асосий таркиб футболчисига айлана олмади ва жамоани тарк этди.

Стерлинг майдон ташқарисида ҳам муаммоларга дуч келган. Яқинда у хавфли тарзда автомобиль бошқаргани ва азот оксидидан фойдалангани учун ўз айбини тан олган.

Француз клубларининг рад жавобларига қарамай, футболчи Англиядан ташқарида янги жамоа топиш умидини йўқотмаган.