«Барселона» вингери Энтони Гордон Ламин Ямал ва Харри Кейннинг «Олтин тўп» учун курашдаги имкониятларини баҳолади.

19 ёшли испаниялик ва 33 ёшли англиялик футболчи жорий йилги совриннинг асосий даъвогарлари қаторида кўрилмоқда.

“Олтин тўп” масаласи жуда мураккаб. Агар сиз гол уриш сермаҳсуллигини қадрласангиз, Кейннинг мавсуми — тарихий даражада. Аммо Ямал ҳам бор — у дунёнинг энг яхши футболчиси. Энг кучлиси ғалаба қозонсин. Барчага омад тилайман!" — дея Гордоннинг сўзларини Barca Universal келтиради.

«Олтин тўп» соҳиби номи 26 октябрь куни Лондонда ўтадиган тақдирлаш маросимида эълон қилинади.

Ўтган йили Ламин Ямал овоз бериш натижаларига кўра Усмон Дембеледан кейин иккинчи ўринни эгаллаган, Харри Кейн эса 13-ўриндан жой олган.