Дарвозабон Возинья жаҳон чемпионатидаги харизматик ўйинидан кейин кутилмаганда катта машҳурликка эришди. Унинг айтишича, бу машҳурлик шахсий ҳаётига жиддий таъсир кўрсатган.
«Машҳурликнинг ҳам салбий томони бор. Энди менда деярли шахсий ҳудуд қолмади. Аввалгидан анча кам.
Ростини айтсам, олдинги ҳаётимни афзал кўрардим. Кўп одамлар машҳурлик ва оммавий ҳаётга интилади, аммо бу ҳаётнинг фақат ижобий томонларини кўради», — дея Возиньянинг сўзларини derbyderbyderby.it келтиради.
Айни пайтда у Чили чемпионатида тўп тепмоқда. Аммо дунёнинг энг чекка мамлакатларидан бири ҳисобланадиган бу ерда ҳам футболчи машҳурлик таъсиридан тўлиқ қоча олмаган.
