Darvozabon Vozinya jahon chempionatidagi xarizmatik o‘yinidan keyin kutilmaganda katta mashhurlikka erishdi. Uning aytishicha, bu mashhurlik shaxsiy hayotiga jiddiy ta’sir ko‘rsatgan.

«Mashhurlikning ham salbiy tomoni bor. Endi menda deyarli shaxsiy hudud qolmadi. Avvalgidan ancha kam.

Rostini aytsam, oldingi hayotimni afzal ko‘rardim. Ko‘p odamlar mashhurlik va ommaviy hayotga intiladi, ammo bu hayotning faqat ijobiy tomonlarini ko‘radi», — deya Vozinyaning so‘zlarini derbyderbyderby.it keltiradi.

Ayni paytda u Chili chempionatida to‘p tepmoqda. Ammo dunyoning eng chekka mamlakatlaridan biri hisoblanadigan bu yerda ham futbolchi mashhurlik ta’siridan to‘liq qocha olmagan.