Таниқли собиқ футболчи Месут Ўзил Мадриднинг «Реал» клубида Криштиану Роналду билан бирга ўйнаган даврларини эслади.

Собиқ германиялик ярим ҳимоячи «қироллик клуби» шарафини 2010 йилдан 2013 йилгача ҳимоя қилган, португалиялик ҳужумчи эса жамоа сафида 2009–2018 йилларда тўп тепган.

«Роналду жуда интизомли инсон ва ўзига нисбатан улкан ишончга эга. Айнан шу икки сифат унга ҳозирги даражасига эришишга ёрдам берди.

У мени майдонда жуда яхши тушунарди ва «Реал»да у билан бирга ўйнаш ажойиб эди. Мен унга доим пас узатардим, у эса уларни осонлик билан голга айлантирарди», — дея 2023 йилда фаолиятини якунлаган Ўзилнинг сўзларини Madrid Zone келтиради.

Айни пайтда 41 ёшли Роналду Саудия Арабистонининг «Ан-Наср» клубида тўп тепмоқда.