Англия терма жамоаси бош мураббийи Томас Тухель Миллатлар лигаси гуруҳ босқичи 2-турида Чехияга қарши Прагада бўлиб ўтадиган сафар учрашуви олдидан ўз фикрлари билан ўртоқлашди.

«Ҳозирча бу ўйинни “албатта ғалаба қилиш шарт” бўлган учрашув деб аташга бироз эрта. Гуруҳ босқичи ҳали энди бошланди.

Биз ҳар бир ўйинга ғалаба қозониш мақсади билан тайёрланамиз. Испанияга қарши ҳам мақсадимиз шу эди, эртага ҳам шундай бўлади.

Биз рақибни, унинг кучини ва бизга ташлайдиган чақирувини ҳурмат қиламиз.

Прагада Чехияга қарши ўйнасангиз, осон бўлмайди. Мезбон мухлислар қўллаб-қувватлаши туфайли учрашув жуда ҳиссиётли ўтиши мумкин.

Айтганимдек, биз доимо ғалаба учун тайёрланамиз ва ғалаба қозонишни истаймиз. Аммо гуруҳдаги умумий вазият ва қаерга етиб боришни исташимизни ҳисобга олсак, бу ўйинни “мажбурий ғалаба” деб аташга ҳали эрта.

Албатта, ғалаба идеал натижа бўларди. Лекин майдоннинг нариги томонида ҳам рақиб бор», — деди Тухель матбуот анжуманида.

Англия бир ўйиндан кейин 0 очко билан Миллатлар лигаси «А» дивизиони 3-гуруҳида учинчи ўринда турибди. Чехия ҳам 0 очко билан тўртинчи поғонада.

Жамоалар 29 сентябрь куни ўзаро баҳс олиб боради. Учрашув Москва вақти билан соат 22:45 да бошланади.