Angliya terma jamoasi bosh murabbiyi Tomas Tuxel Millatlar ligasi guruh bosqichi 2-turida Chexiyaga qarshi Pragada bo‘lib o‘tadigan safar uchrashuvi oldidan o‘z fikrlari bilan o‘rtoqlashdi.

«Hozircha bu o‘yinni “albatta g‘alaba qilish shart” bo‘lgan uchrashuv deb atashga biroz erta. Guruh bosqichi hali endi boshlandi.

Biz har bir o‘yinga g‘alaba qozonish maqsadi bilan tayyorlanamiz. Ispaniyaga qarshi ham maqsadimiz shu edi, ertaga ham shunday bo‘ladi.

Biz raqibni, uning kuchini va bizga tashlaydigan chaqiruvini hurmat qilamiz.

Pragada Chexiyaga qarshi o‘ynasangiz, oson bo‘lmaydi. Mezbon muxlislar qo‘llab-quvvatlashi tufayli uchrashuv juda hissiyotli o‘tishi mumkin.

Aytganimdek, biz doimo g‘alaba uchun tayyorlanamiz va g‘alaba qozonishni istaymiz. Ammo guruhdagi umumiy vaziyat va qayerga yetib borishni istashimizni hisobga olsak, bu o‘yinni “majburiy g‘alaba” deb atashga hali erta.

Albatta, g‘alaba ideal natija bo‘lardi. Lekin maydonning narigi tomonida ham raqib bor», — dedi Tuxel matbuot anjumanida.

Angliya bir o‘yindan keyin 0 ochko bilan Millatlar ligasi «A» divizioni 3-guruhida uchinchi o‘rinda turibdi. Chexiya ham 0 ochko bilan to‘rtinchi pog‘onada.

Jamoalar 29 sentyabr kuni o‘zaro bahs olib boradi. Uchrashuv Moskva vaqti bilan soat 22:45 da boshlanadi.