Испания терма жамоаси бош мураббийи Луис де ла Фуэнте жорий йилги Миллатлар лигасининг зич тақвими ҳақида фикр билдирди.

"Кимдан сўрасангиз ҳам, 10 кун ичида бундай даражадаги 4 та ўйин ўтказиш ниҳоятда қийин эканини айтади. Эрик Гарсия мисолида биз учун футболчилар соғлиги энг муҳим эканини кўрсатдик.

Катта ротация қилмоқчи эмасмиз, чунки жамоанинг асосий ўзагини сақлаб қолишни афзал кўрамиз. Жамоа яна икки кун дам олишини истардим", — дея мураббийнинг сўзларини Diario AS келтиради.

26 сентябрь куни Испания терма жамоаси сафарда Англияни 3:2 ҳисобида мағлуб этди.

29 сентябрь, сешанба куни Луис де ла Фуэнте шогирдлари ўз майдонида Хорватияни қабул қилади. Учрашув соат 23:45 да бошланади.