«Ливерпуль»нинг венгриялик ярим ҳимоячиси Доминик Собослаи ёшликдаги кумири ҳақидаги саволга жавоб берди.
«Менинг кумирим Криштиану Роналду эди ва у ҳозиргача шундай бўлиб қолмоқда. Мен у билан жону дилим билан бирга ўйнаган бўлардим», — деди Собослаи JD Sports нашрига.
Ҳозирги вақтда 41 ёшли Роналду Саудия Арабистонининг «Ан-Наср» клубида тўп суради. Жорий мавсумда португалиялик форвард барча турнирларни ҳисобга олган ҳолда саккизта ўйинда майдонга тушиб, 3 та голга муаллифлик қилди.
Роналдунинг «Ан-Наср» билан амалдаги меҳнат шартномаси кейинги ёзда тугайди. Олдинроқ футболчи ушбу мавсум якунланганидан сўнг профессионал фаолиятини якунлаши мумкинлигини маълум қилган эди.
