«Liverpul»ning vengriyalik yarim himoyachisi Dominik Soboslai yoshlikdagi kumiri haqidagi savolga javob berdi.
«Mening kumirim Krishtianu Ronaldu edi va u hozirgacha shunday bo‘lib qolmoqda. Men u bilan jonu dilim bilan birga o‘ynagan bo‘lardim», — dedi Soboslai JD Sports nashriga.
Hozirgi vaqtda 41 yoshli Ronaldu Saudiya Arabistonining «An-Nasr» klubida to‘p suradi. Joriy mavsumda portugaliyalik forvard barcha turnirlarni hisobga olgan holda sakkizta o‘yinda maydonga tushib, 3 ta golga mualliflik qildi.
Ronalduning «An-Nasr» bilan amaldagi mehnat shartnomasi keyingi yozda tugaydi. Oldinroq futbolchi ushbu mavsum yakunlanganidan so‘ng professional faoliyatini yakunlashi mumkinligini ma’lum qilgan edi.
