«Брентфорд»нинг германиялик вингери Кевин Шаде Англия премьер-лигасининг етакчи клублари эътиборини тортишди. Бу ҳақда таниқли журналист Экрем Конур хабар бермоқда.

Манба маълумотларига кўра, 24 ёшли футболчи хизматига «Челси», «Тоттенхэм», «Манчестер Юнайтед», «Арсенал» ва «Ливерпуль» қизиқиш билдирмоқда. Яқин орада «Брентфорд» бошқа клубларнинг ўз ўйинчисига бўлган қизиқишини қайтариш учун Шаде билан янги шартнома бўйича музокаралар ўтказишни режалаштирмоқда.

Жорий мавсумда Шаде барча турнирларни ҳисобга олган ҳолда олтита ўйинда майдонга тушиб, уч бор рақиблар дарвозасини ишғол этди.

Transfermarkt маълумотларига кўра, Шаденинг қиймати 35 миллион еврони ташкил этади.