Италиялик дарвозабон Жанлуижи Доннарумма кўплаб молиявий қоидабузарликлар учун жиддий жазога тортилиши мумкин бўлган «Манчестер Сити»ни тарк этиши мумкинлиги айтилмоқда.

Transfer News Live аккаунти хабарига кўра, 27 ёшли голкиперда Германия Бундеслигасига кўчиб ўтиш варианти бор. Мюнхеннинг «Бавария» клуби Доннаруммани ўз сафига қўшиб олишга қизиқиш билдирмоқда.

Жанлуижи 2025 йилда «Манчестер Сити» сафига келиб қўшилган. Унинг инглиз клуби билан шартномаси 2030 йил июнь ойи охирига қадар амал қилади. Дарвозабоннинг трансфер қиймати 45 миллион еврога баҳоланмоқда.

Жорий мавсум Англия Премьер-лигасида Доннарумма бешта учрашувда майдонга тушиб, бешта гол ўтказиб юборган.