«Монако» германиялик ҳужумчи Парис Бруннер вакиллари билан шартномани узайтириш бўйича музокараларни бошлади. Бу ҳақда L’Equipe хабар берди.
Бруннернинг «Монако» билан амалдаги шартномаси 2028 йил июнь ойига қадар мўлжалланган. Франция клуби келишувни камида яна икки мавсумга узайтиришни истамоқда.
Футболчининг ўзи ҳам жамоадаги ҳолатидан мамнун ва Филипе Луис қўл остида мунтазам ўйин амалиётига эга бўлмоқда.
Бруннер икки йил аввал Дортмунднинг «Боруссия» клубидан «Монако»га ўтган эди. Унинг шартномасида шундай банд борки, агар бошқа клуб футболчи учун таклиф берса, «Боруссия» худди шу миқдордаги таклифни такрорлаш ҳуқуқига эга.
Бироқ дортмундликлар бундай вазиятда устувор ҳуқуққа эга эмас ва футболчининг ўзи билан алоҳида келишиб олиши керак бўлади. Шартномада сотиб олиш банди мавжуд эмас.
20 ёшли ҳужумчи жорий мавсумни сермаҳсул ўтказмоқда. У клуб миқёсида барча мусобақаларда 7 та учрашувда 6 та гол урди.
Шунингдек, Бруннер Германия U-21 терма жамоаси сафида Латвияга қарши 4:0 ҳисобида якунланган ўйинда дубль қайд этди.
