«Monako» germaniyalik hujumchi Paris Brunner vakillari bilan shartnomani uzaytirish bo‘yicha muzokaralarni boshladi. Bu haqda L’Equipe xabar berdi.

Brunnerning «Monako» bilan amaldagi shartnomasi 2028 yil iyun oyiga qadar mo‘ljallangan. Fransiya klubi kelishuvni kamida yana ikki mavsumga uzaytirishni istamoqda.

Futbolchining o‘zi ham jamoadagi holatidan mamnun va Filipe Luis qo‘l ostida muntazam o‘yin amaliyotiga ega bo‘lmoqda.

Brunner ikki yil avval Dortmundning «Borussiya» klubidan «Monako»ga o‘tgan edi. Uning shartnomasida shunday band borki, agar boshqa klub futbolchi uchun taklif bersa, «Borussiya» xuddi shu miqdordagi taklifni takrorlash huquqiga ega.

Biroq dortmundliklar bunday vaziyatda ustuvor huquqqa ega emas va futbolchining o‘zi bilan alohida kelishib olishi kerak bo‘ladi. Shartnomada sotib olish bandi mavjud emas.

20 yoshli hujumchi joriy mavsumni sermahsul o‘tkazmoqda. U klub miqyosida barcha musobaqalarda 7 ta uchrashuvda 6 ta gol urdi.

Shuningdek, Brunner Germaniya U-21 terma jamoasi safida Latviyaga qarshi 4:0 hisobida yakunlangan o‘yinda dubl qayd etdi.