Италия футбол федерацияси (FIGC) 2032 йилги Европа чемпионати ўйинларини қабул қилишга даъвогар бўлган 13 шаҳардаги 14 та стадион бўйича ҳужжатларни УЕФАга тақдим этди. Бу ҳақда Gazzetta dello Sport хабар берди.
Рўйхатдан Рим, Бари, Болонья, Кальяри, Флоренция, Генуя, Лечче, Милан, Неаполь, Палермо, Салерно, Турин ва Верона шаҳарларидаги стадионлар ўрин олган.
Номзодлар орасида реконструкция қилиниши режалаштирилаётган амалдаги стадионлар ҳам, янги ареналар лойиҳалари ҳам бор.
Рим шаҳри Евро-2032 учун бирданига икки арена — «Олимпико» стадиони ва Пьетралата ҳудудида қурилиши режалаштирилаётган янги стадион лойиҳаси билан тақдим этилган.
«Федерацияга келиб тушган ҳужжатлар сони ва сифати бизни қониқтирди. Бу Италиянинг ушбу вазифани амалга оширишга жиддий ёндашаётганини кўрсатади», — деди FIGC президенти Жованни Малаго.
Энди УЕФА тақдим этилган аризаларнинг белгиланган талабларга мувофиқлигини текширади. Бу талаблар мухлисларга хизмат кўрсатиш, стадионларга кириш имконияти, барқарор ривожланиш, ОАВ ва телетрансляциялар учун шароитлар, шунингдек, хавфсизлик ва меҳмондўстлик масалаларини қамраб олади.
Текширув якунланганидан сўнг FIGC Евро-2032 учрашувларини қабул қиладиган бешта стадионни танлайди.
