Мадриднинг «Реал» клуби дарвозабони Тибо Куртуа бу йил «Олтин тўп»ни кимга берган бўлар эди, деган саволга жавоб берди.
Бельгиялик футболчи Ла Лига, Чемпионлар лигаси ва Жаҳон чемпионатининг энг яхши тўпурари бўлган жамоадоши Килиан Мбаппени танлади.
«Олтин тўп» энг кўп соврин ютган футболчига эмас, дунёдаги энг яхши футболчига берилиши керак. Менимча, мукофот Мбаппега тегиши керак. Унинг қандай ўйнаётганини, майдонда нима қилаётганини кўрсангиз... Мен бу ҳақда “Реал” ва терма жамоадаги жамоадошларим билан гаплашдим — унинг ҳимоячилардан шундай осонлик билан тезликда ўтиб кетиши, гўё улар умуман йўқдек ҳаракат қилиши ҳаммани ҳайратда қолдирмоқда. У жуда кўп гол урди», — дея Куртуанинг сўзларини Madrid Xtra келтирмоқда.
«Олтин тўп»ни топшириш маросими 26 октябрь куни бўлиб ўтади. Эслатиб ўтамиз, Килиан Мбаппе ўтган мавсумда жамоавий совринларнинг бирортасини қўлга киритмаган.
