Португалия терма жамоаси ҳужумчиси Криштиану Роналду миллий жамоа ихтиёрини тарк этгани учун 1 ойдан 6 ойгача дисквалификация қилиниши, шунингдек, жаримага тортилиши мумкин. Бу ҳақда A Bola хабар берди.

Португалия футбол федерациясининг интизом регламентига кўра, бундай қоидабузарлик учун жиддий жазолар кўзда тутилган. Агар футболчи расмий чақирувдан сўнг узрли сабабсиз терма жамоа ихтиёрини тарк этса ёки терма жамоанинг машғулоти, ўйини ёки Португалия номидан ўтказиладиган бошқа тадбирда иштирок этмаса, у 1 ойдан 6 ойгача дисквалификация қилиниши мумкин.

Бундан ташқари, профессионал футболчига 5 дан 10 шартли бирликкача, яъни тахминан 500–1000 евро миқдорида жарима белгиланиши мумкин.

Регламентнинг 160-моддаси 2-бандида ҳам футболчининг жамоа ихтиёрида бўлмаслиги ёки уни тарк этиши автоматик равишда вақтинчалик четлатишга олиб келиши қайд этилган.

Аввалроқ Роналду бош мураббий Жорже Жезуш ҳеч қандай низо йўқлигини айтганига қарамай, Португалия терма жамоаси машғулотларини тарк этган эди. Ҳужумчи жамоа қароргоҳидан кетишга қарор қилди ва бу ҳақда ўз фикрини билдирди.

Айрим португалиялик ОАВлар Роналду терма жамоадаги фаолиятини якунлаш ниятида экани ҳақида хабар тарқатди.