Portugaliya terma jamoasi hujumchisi Krishtianu Ronaldu milliy jamoa ixtiyorini tark etgani uchun 1 oydan 6 oygacha diskvalifikasiya qilinishi, shuningdek, jarimaga tortilishi mumkin. Bu haqda A Bola xabar berdi.

Portugaliya futbol federasiyasining intizom reglamentiga ko‘ra, bunday qoidabuzarlik uchun jiddiy jazolar ko‘zda tutilgan. Agar futbolchi rasmiy chaqiruvdan so‘ng uzrli sababsiz terma jamoa ixtiyorini tark etsa yoki terma jamoaning mashg‘uloti, o‘yini yoki Portugaliya nomidan o‘tkaziladigan boshqa tadbirda ishtirok etmasa, u 1 oydan 6 oygacha diskvalifikasiya qilinishi mumkin.

Bundan tashqari, professional futbolchiga 5 dan 10 shartli birlikkacha, ya’ni taxminan 500–1000 yevro miqdorida jarima belgilanishi mumkin.

Reglamentning 160-moddasi 2-bandida ham futbolchining jamoa ixtiyorida bo‘lmasligi yoki uni tark etishi avtomatik ravishda vaqtinchalik chetlatishga olib kelishi qayd etilgan.

Avvalroq Ronaldu bosh murabbiy Jorje Jezush hech qanday nizo yo‘qligini aytganiga qaramay, Portugaliya terma jamoasi mashg‘ulotlarini tark etgan edi. Hujumchi jamoa qarorgohidan ketishga qaror qildi va bu haqda o‘z fikrini bildirdi.

Ayrim portugaliyalik OAVlar Ronaldu terma jamoadagi faoliyatini yakunlash niyatida ekani haqida xabar tarqatdi.