Греция терма жамоаси ҳужумчиси Вангелис Павлидис Нидерландияга қарши Лига миллатлари ўйини олдидан жамоада хотиржам муҳит ҳукм сураётганини таъкидлади.
«Жамоада тўлиқ хотиржамлик ҳукм сурмоқда. Биз ортиқча хурсандчилик бизга фойда келтирмаслигини тушундик ва аввалги саралаш ўйинларида йўл қўйган хатоларимиздан хулоса чиқардик. Эртага ҳаммаси яхши ўтишига ишонаман ва умид қиламан», — дея Павлидиснинг сўзларини УЕФА расмий сайти келтирди.
Греция — Нидерландия учрашуви 1 октябрь, пайшанба куни бўлиб ўтади. Баҳс Тошкент вақти билан 23:45 да бошланади.
