Таниқли журналист Эду Агирре Португалия терма жамоасида Криштиану Роналдуга нисбатан адолатсиз муносабатда бўлинган, деб ҳисоблайди.

41 ёшли ҳужумчи бош мураббий Жорже Жезуш билан юзага келган можаро сабаб жамоани тарк этишга қарор қилди. Катта эҳтимол билан, юлдуз футболчи энди халқаро майдонда бошқа ўйнамайди.

"Португалиянинг асосий таркибидан жой олиб, Роналдунинг ўрнини эгаллай олган бирорта футболчи йўқ. Ҳеч ким ўзини шундай даражада кўрсата олмадики, уни таркибдан сиқиб чиқарсин. Ўтган жаҳон чемпионати, Евро-2024 ва Миллатлар лигасидаги ўйинларга қаранг. Сўнгги икки йилда терма жамоанинг энг яхши тўпурари ким бўлди? Криштиану. Ҳатто излаб ҳам ўтирманг, вақтингизни сарфламанг. Шундай футболчидан қандай қилиб воз кечиш мумкин? Яна бир савол: Португалия ЖЧ-2026да жамоа сифатида яхши ўйнадими?" — деди Роналдунинг яқин дўсти Эду Агирре El Chiringuito дастурида.

Мавжуд маълумотларга кўра, "Ан-Наср" футболчиси Копенгагендаги Португалия терма жамоаси қароргоҳини ўзбошимчалик билан тарк этган ва аллақачон Мадридга етиб борган.