Мюнхеннинг «Бавария» клуби ҳужумчиси Гарри Кейн «Тоттенхэм»да кўп йил тўп тепганидан кейин ҳам «Арсенал» унга принципиал рақиб бўлиб қолган-қолмагани ҳақидаги саволга жавоб берди.

Кейннинг фикрича, оммавий ахборот воситалари бу мавзудаги рақобатни аслидагидан кўра кўпроқ бўрттирмоқда.

«Арсенал» — кучли жамоа. Ўтган йиллар давомида уларга қарши жуда кўп ажойиб ўйинларда қатнашдим. Албатта, ҳозир «Бавария»да бу ҳис-туйғулар «Тоттенхэм»да ўйнаган пайтимдагидан бироз фарқ қилади. Аммо бу контекстни бутунлай инкор қила олмайман», — деди Кейн «Бавария» клуб журналига берган интервьюсида.

«Бавария» ва «Арсенал» ўртасидаги Чемпионлар лигаси умумий босқичининг учинчи тур учрашуви 21 октябрь куни бўлиб ўтади. Баҳс 23:59 да бошланади.