"Ювентус" собиқ футболчиси Клаудио Маркизио "Тоттенхэм" дарвозабони Гульельмо Викарионинг Турин клубига ўтишини юқори баҳолади.
29 ёшли италиялик дарвозабон ёзда "Ювентус" сафига мавсум охирига қадар ижара асосида қўшилди. Келишувда футболчини сотиб олиш ҳуқуқи ҳам кўзда тутилган.
"Викарио — ажойиб трансфер. Италиялик футболчиларнинг камлиги фақат "Ювентус" эмас, барча йирик клублар учун муаммо. Замон ўзгарди, қоидалар эса ўзгармади", — деди Маркизио Gazzetta dello Sport нашрига берган интервьюсида.
Викарио тезда Лучано Спаллетти жамоасининг асосий дарвозабонига айланди. Жорий мавсумда у А Серияда бешта учрашув ўтказиб, шуларнинг учтасида ўз дарвозасидан гол ўтказмади.
