«Манчестер Юнайтед» клуби собиқ футболчиси Рио Фердинанд Криштиану Роналдунинг Португалия терма жамоаси ихтиёрини можароли тарзда тарк этганига муносабат билдирди.
«Криштиану Роналдуга қадар Португалия қаерда эди? У умуман нимага эришган? Нафақат турнирларда ғалаба қозониш, ҳатто уларга йўлланма олганми? Мени асабийлаштирадиган жиҳат шуки, кўпчилик Роналдуга сўнгги уч-тўрт йилдаги ўйинларига қараб баҳо бермоқда.
Ҳолбуки, у ўз ёшидаги футболчи учун ҳали ҳам ҳайратланарли кўрсаткичларни қайд этмоқда. Қайси лигада ўйнаётгани муҳим эмас — унинг статистикаси ҳануз ажабланарли.
Менимча, кўпчилик ортга назар ташлаб, Роналду қандай ўйнаганини кўриши керак. Унинг «Ювентус», «Реал» ва «Манчестер Юнайтед»даги ўйинларига қаранг. Бу бир футболчи фаолиятидаги уч хил карьерадек. Бир инсондаги учта буюк карьера», — дея Фердинанднинг сўзларини келтиради The Touchline.
