"ПСЖ" футболчиси Дезире Дуэ Миллатлар лигасида Италияга қарши 1:1 ҳисобида якунланган учрашувдан сўнг ўз фикрлари билан ўртоқлашди.
Франция 55-дақиқада Майкл Олисенинг жарима зарбасидан урган голи эвазига ҳисобда олдинга чиқди, аммо ўз майдонида ғалабани сақлаб қола олмади. 68-дақиқада Алессандро Бастони ҳисобни тенглаштирди.
"Бундай натижадан жуда хафамиз, аммо биз тўғри йўлдамиз. Ўйинда кўплаб ижобий жиҳатлар бўлди ва уларни эътиборсиз қолдирмаслик керак.
Бизга қарши Доннарумма ўйнади — мен яхши танийдиган ажойиб дарвозабон. У шунчаки ақлбовар қилмас даражада", — деди Дуэ TF1 телеканалига берган интервьюсида.
"Манчестер Сити" дарвозабони Франция футболчиларининг дарвоза томон йўллаган 7 та аниқ зарбасини қайтарди.
