Франциялик собиқ футболчи Луис Фернандес "Реал" ва Франция терма жамоаси ҳужумчиси Килиан Мбаппенинг ўйин даражаси ҳақида фикр билдирди.

"Мбаппе — катта футболчи. Аммо мен уни дунёнинг энг яхши футболчиси деб атай олмайман. Килиан майдонда кўп нарсани қила олади ва буни "Реал"да ҳам исботлади. У натижа келтира оладиган футболчи.

Мен уни доим марказий ҳужумчи сифатида тасаввур қилганман. Унинг ҳимоядаги ўйини ҳақида гапирадиган бўлсак, Месси ҳам 90 дақиқа давомида югурмасди. У тўпни қабул қилиш ва гол уриш учун қачон фаоллашиш кераклигини яхши биларди", — деди Фернандес.

Жорий мавсумда 27 ёшли ҳужумчи Испания чемпионатида 7 та ўйинда иштирок этиб, 7 та гол урди ва 2 та голли узатма берди.