«Борнмут»нинг чап қанот ҳимоячиси Адриен Трюффер «Манчестер Юнайтед» эътиборида.
Инсайдер Экрем Конур маълумотига кўра, Англия гранди 24 ёшли футболчини синчиклаб кузатмоқда ва унга қизиқишини яширмаяпти. Трюффернинг ўзи ҳам «Манчестер Юнайтед»га ўтишга қарши эмас.
Бироқ «Борнмут» трансфер музокараларида қатъий позицияси билан танилгани боис, келишувга эришиш осон бўлмаслиги мумкин.
Трюффер жорий мавсумда барча турнирларда 6 та учрашувда майдонга тушиб, 1 та голли узатма амалга оширди. Унинг «Борнмут» билан шартномаси 2030 йилгача амал қилади. Transfermarkt футболчининг бозор қийматини 30 миллион евро деб баҳоламоқда.
