«Брюгге»нинг германиялик ҳужумчиси Николо Тресольди яна Испания грандлари эътиборига тушди. Бу ҳақда журналист Экрем Конур маълум қилди.
Манба маълумотига кўра, 22 ёшли форварднинг хизматига «Барселона» ва Мадриднинг «Атлетико» клублари қизиқиш билдирмоқда. Трансфер суммаси 50 миллион еврони ташкил қилиши мумкин ва келишув январь ойидаёқ амалга ошиши эҳтимоли бор.
2026/27 йилги мавсумда Тресольди барча мусобақаларни ҳисобга олганда, жумладан Чемпионлар лигасида ҳам, тўққизта учрашувда бешта гол урди.
Ҳужумчининг «Брюгге» билан амалдаги шартномаси 2029 йилнинг ўрталарига қадар мўлжалланган. Transfermarkt баҳосига кўра, футболчининг бозор қиймати 25 миллион еврони ташкил қилади.
