Португалия терма жамоаси бош мураббийи Жорже Жезуш Криштиану Роналдуни миллий жамоа ва мамлакат рамзи деб атади. Бироқ у футболчи билан учрашув ва унинг терма жамоага эҳтимолий қайтиши масаласи кейинроқ кўриб чиқилишини таъкидлади.
Эслатиб ўтамиз, аввалроқ ОАВда Жезуш келаси ҳафта Роналду билан учрашиб, томонлар ўртасидаги можарони бартараф этишга ҳаракат қилиши ҳақида хабарлар тарқалган эди.
"Криштиану Роналду — миллий жамоа рамзи, Португалия рамзи. Ўйиндан кейин бу ҳақда гаплашиш учун вақт етарли бўлади", — дея Жезушнинг сўзларини Record нашри келтирди.
Мураббийнинг қўшимча қилишича, ҳозир унинг барча фикри Миллатлар лигаси доирасида Норвегияга қарши бўлажак учрашувга қаратилган.
Жамоалар ўртасидаги биринчи ўйинда португалияликлар сафарда 2:1 ҳисобида ғалаба қозонган эди. Айнан ўша баҳсда Криштиану захирада қолган ва майдонга тушмаган. Шу воқеа Роналду ва Жезуш ўртасидаги можарога сабаб бўлган.
