«Барселона»нинг чап қанот ҳимоячиси Алехандро Бальде қишки трансфер ойнасидаёқ Англияга кўчиб ўтиши мумкин.
Инсайдер Экрем Конур маълумотига кўра, 22 ёшли футболчининг вакиллари «Фулхэм» билан эҳтимолий трансфер масаласини муҳокама қилган. Шунингдек, футболчининг хизматлари «Эвертон» ва «Сандерленд» клубларига ҳам таклиф қилинган.
Бальдега Премьер-лиганинг икки гранди — «Манчестер Юнайтед» ва «Ливерпуль» ҳам қизиқиш билдирмоқда.
Алехандро Бальде «Барселона» асосий таркибидаги ўрнини йўқотган. Шу сабаб каталонияликлар футболчини ижара асосида қўйиб юборишга тайёр.
Transfermarkt портали испаниялик ҳимоячининг бозор қийматини 50 миллион еврога баҳоламоқда. Унинг «Барселона» билан амалдаги шартномаси 2028 йилгача мўлжалланган.
