Португалия терма жамоаси ярим ҳимоячиси Бруну Фернандеш Дания терма жамоаси ҳужумчиси Расмус Хойлунднинг Португалия дарвозасига урган голидан кейин Криштиану Роналду услубида нишонлагани ҳақида фикр билдирди.

«Мен унинг голни қандай нишонлаганини кўрдим, аммо у буни аввал ҳам кўп марта қилган. У Криштианунинг катта мухлиси эканини биламан. У бизга қарши Криш майдонда бўлган пайтда ҳам шундай нишонлаган. Ўшанда у Криштиануга ёмон таъсир қилмадимикан, деб жуда хавотирланганини эслайман.

Хойлунд ҳам Криштиану Роналдуни кузатиб улғайган ёш футболчилардан бири. Португалия терма жамоасидаги кўпчилигимиз каби у ҳам Криштиануга ҳавас қилади. У Криштиану Роналдуни жуда яхши кўради ва унинг қилган ишларига тақлид қилишга ҳаракат қилади.

Охир-оқибат, унинг голни нишонлаш услуби футбол тарихидаги энг машҳурларидан бири. Биз уни кейинги 30, 50 ёки 60 йил давомида қандай такрорланишини кўрамиз. Роналду — футболда алоҳида ўринга эга бўлган буюк шахс ва икона», — деди Фернандеш BeanymanSports’нинг X ижтимоий тармоғидаги саҳифасида эълон қилинган видеода.