УЕФА Миллатлар лигаси 2026/2027 йилги мавсуми А лигаси 2-гуруҳи 4-тури доирасида Нидерландия ва Сербия терма жамоалари ўртасидаги учрашув якунланди. Эйндховен шаҳридаги «Филипс» стадионида бўлиб ўтган баҳсда мезбонлар 2:1 ҳисобида ғалаба қозонди.
31-дақиқада Нидерландия ярим ҳимоячиси Тён Копмейнерс ҳисобни очди. Орадан тўрт дақиқа ўтиб, Сербия футболчиси Михайло Цветкович ҳисобни тенглаштирди.
71-дақиқада Нидерландия ҳужумчиси Жошуа Зиркзе мезбонларни яна олдинга олиб чиқди ва учрашувдаги якуний ҳисобни ўрнатди — 2:1.
Тўртта учрашувдан сўнг Нидерландия 8 очко жамғариб, 2-гуруҳда 1-ўринни эгаллаб турибди. Сербия эса ҳозирга қадар очко жамғара олмаган ва охирги — 4-ўринда бормоқда.
Миллатлар лигаси. А лигаси. 2-гуруҳ. 4-тур
4 октябрь 2026 йил, Эйндховен, «Филипс» стадиони
Нидерландия — Сербия — 2:1
Голлар: Копмейнерс, 31 (1:0), Цветкович, 35 (1:1), Зиркзе, 71 (2:1).
