"Реал" ҳужумчиси Килиан Мбаппе 10 октябрь куни бўлиб ўтадиган Испания чемпионатидаги "Вильярреал"га қарши учрашувга тайёргарлик кўрмоқда.
AS нашри хабар беришича, 5 октябрь куни эрталаб ҳужумчи Испания пойтахтига етиб келган. Бу вақтга келиб жамоавий машғулот Вальдебебасда бошлангани сабаб Мбаппе унда иштирок этмаган.
Футболчи кун давомида клуб базасига бориб, индивидуал тайёргарликни давом эттириши кутилмоқда.
Мбаппе халқаро танаффус пайтида Франция терма жамоасининг биринчи ўйинида жароҳат олган эди. Зарба олганидан сўнг ҳужумчи чап тиззасида кучли оғриқ ҳис қилиб, алмаштиришни сўраган.
Қайд этилишича, жароҳат жиддий эмас ва Мбаппенинг "Вильярреал"га қарши учрашувда иштирок этишига тўсқинлик қилмайди. Ҳужумчининг асосий таркибда майдонга тушиши кутилмоқда.
