WBC, WBO, IBO, WBA Super, The Ring ва IBF версиялари бўйича супер оғир вазн тоифасида собиқ жаҳон чемпиони, британиялик Тайсон Фьюри АҚШ президенти Дональд Трампни ҳамюрти Энтони Жошуага қарши бўлажак жангига таклиф қилмоқчи эканини маълум қилди. Уларнинг жангги 11 декабрь куни Кардиффда бўлиб ўтади.
«Мен албатта бу таклифни эски дўстимга билдираман ва у рози бўладими-йўқми, кўрамиз. Ҳозирги мақомини ҳисобга олсак, эҳтимол, йўқ — ахир у АҚШ президенти», — дея Фьюрининг сўзларини BBC келтирмоқда.
Жошуа профессионал даражада 2013 йилдан буён иштирок этиб келмоқда. Унинг рекордида 30 та ғалаба бор, уларнинг 27 тасида у жангни муддатидан олдин якунлаган, шунингдек, 4 та мағлубияти мавжуд.
Тайсон Фьюри 37 ёшда. Британиялик боксчининг профессионал рекордида 35 та ғалаба бор, уларнинг 25 таси нокаут билан қўлга киритилган. Шунингдек, унинг ҳисобида 2 та мағлубият ва 1 та дуранг бор.
