Испания терма жамоасини Миллатлар лигаси гуруҳ босқичида Хорватияга қарши сафарда қийин учрашув кутиб турибди. Бу ҳақда жамоа бош мураббийи Луис де ла Фуэнте фикр билдирди.

Мутахассиснинг айтишича, Хорватия Англиядан ўз мухлислари кўз ўнгида 0:7 ҳисобида оғир мағлубиятга учраганидан сўнг ўта кучли мотивация билан майдонга тушади.

«Биз кескинлик ва эҳтиросга бой муҳитни яхши кўрамиз. Ишончим комилки, бу сафар ҳам айнан шундай бўлади. Хорватлар жуда кучли мотивация билан ўйнайди, аммо Испания футболчиларида ҳам иштиёқ кам эмас», — деди де ла Фуэнте.

Жамоалар ўртасида Испанияда ўтган биринчи учрашув мезбонларнинг 4:1 ҳисобидаги ғалабаси билан якунланган эди.

Де ла Фуэнте шогирдлари аллақачон турнирнинг плей-офф босқичига чиқишни кафолатлаган. Хорватия эса Испания ва Англияга қарши учрашувларда умумий 1:11 ҳисобида мағлуб бўлган.