Италиялик собиқ ҳужумчи Кристиан Вьери «Милан» жамоаси ҳақидаги фикрлари билан ўртоқлашди. У клубда кучли ҳужумчи пайдо бўлганидан хурсанд, аммо унга тўпни яхшироқ етказиб бериш керак, деб ҳисоблайди.
«Гонсалу Рамуш мисолида, Португалия терма жамоасида ҳам кўрганимиздек, “Милан” ниҳоят ажойиб марказий ҳужумчига эга бўлди. Бироқ ҳар қандай марказий ҳужумчи каби унга ҳам тўпни тез-тез етказиб бериш керак. Голлар хоҳлайсизми? Унга кўпроқ гол уриш имкониятлари яратиб бериш лозим. Акс ҳолда, уни муваффақият кутадими-йўқми, айтиш қийин», — дея Вьери сўзларини pianetamilan.it нашри келтирмоқда.
Эслатиб ўтамиз, Кристиан Вьери 2005 йилда бир неча ой давомида «Милан» сафида тўп сурган.
