Камерун миллий терма жамоасининг собиқ ҳужумчиси Жан Манга-Онгене 81 ёшида вафот этди.
Бу ҳақда мамлакат футбол федерацияси матбуот хизмати хабар берди.
Собиқ футболчининг ўлимига нима сабаб бўлгани маълум қилинмаган.
Манга-Онгене бутун футболчилик фаолиятини "Канон Яунде" клубида ўтказган.
У жамоа билан биргаликда Камерун чемпионати ва мамлакат кубогида олти мартадан ғолиб чиққан, шунингдек, уч марта Африка Чемпионлар лигаси совринини қўлга киритган.
Ҳужумчи Камерун миллий терма жамоаси сафида 1972 йилги Африка миллатлар кубогининг бронза медалига сазовор бўлган.
1980 йилда эса Жан Манга-Онгене Африканинг энг яхши футболчиси деб топилган.
