«ПСЖ» бош мураббийи Луис Энрике Миллатлар лигаси учрашувларидаги ўйинлари учун танқидга учраган жамоа ҳужумкор ярим ҳимоячиси Усмон Дембелени ҳимоя қилди.
«Бу танқидларга қўшилмайман. Менимча, Усмон ўзини ажойиб кўрсатди.
У ўзига хос футболчи. Унинг ўйинини стадионда томоша қилиш учун бемалол чипта сотиб олиш мумкин.
Дембеле учрашув тақдирини ҳал қилишга қодир», — дея испаниялик мутахассиснинг сўзларини келтиради Footmercato нашри.
Аввалроқ Дембелега қўшимча дам олиш имконияти берилгани ва у «Ле-Ман»га қарши учрашувда майдонга тушмаслиги маълум бўлган эди.
Жорий мавсум Франция чемпионатида 29 ёшли «Олтин тўп» соҳиби тўртта учрашувда иштирок этиб, битта голли узатмани амалга оширди.
