Лондоннинг «Арсенал» клуби бош мураббийи Микель Артета «Манчестер Сити» атрофидаги можаро Англия Премьер-лигаси обрўсига салбий таъсир кўрсатиши мумкинлиги ҳақида фикр билдирди.
«Бу ҳолат Премьер-лига обрўсига таъсир қилмаслигига ишонмоқчиман. Аммо, биласизми, бунга ишончим комил эмас.
Бироқ бу бизнинг ҳал қиладиган масаламиз эмас. Бизнинг вазифамиз — ўз даражамизда қўлимиздан келган барча ишни қилиб, лиганинг дунёдаги энг яхши чемпионат мақомини сақлаб қолишига ҳисса қўшиш», — деди Артета матбуот анжуманида.
Англия чемпионатининг олтинчи тури бошланиши олдидан «Арсенал» 12 очко билан турнир жадвалида иккинчи ўринни эгаллаб турибди.
«Тўпчилар»дан фақат 15 очко жамғарган «Манчестер Сити» олдинда бормоқда.
