«Вильярреал» президенти Фернандо Роиг клубни бошқариб келаётганига 30 йил тўлиши муносабати билан ўз фикрлари билан ўртоқлашди.

«Мен илк бор 1993 йилда оддий мухлис сифатида «Эль Мадригал» стадионига «Валенсия»га қарши кубок учрашувини томоша қилиш учун келганман.

Ўша пайтдаги стадион билан бугунги «Ла Серамика» аренасини таққослашнинг ўзи қийин. Улар ўртасида ер билан осмонча фарқ бор.

30 йил аввал президентлик лавозимини эгаллаганимда, стадионимиз ҳатто 4000 нафар томошабинни ҳам сиғдира олмасди. Трибуналардан бири эса сўзнинг том маъносида емирилиб бораётган эди.

Бугун кўриб турган барча нарсангиз тинимсиз қурилишлар, машаққатлар ва катта орзулар натижасидир.

Бу йўлнинг бошидаёқ шундай натижаларга эришишимизни тасаввур қилганманми? Хаёлимда — ҳа.

Мен «Вильярреал» қандай клубга айланиши кераклигини бошиданоқ аниқ тасаввур қилганман. Жамоа Примеранинг барқарор ва мустаҳкам иштирокчиси бўлиши керак эди.

Айнан шунинг учун бу масъулиятни зиммамга олганман.

Бироқ бундай мақсадни тасаввур қилиш бошқа, уни ҳаётга татбиқ этиш эса бутунлай бошқа масала.

Биз бунга улкан меҳнат эвазига эришдик», — дея Роигнинг сўзларини келтиради AS нашри.