"Наполи" қанот ҳужумчиси Ноа Ланг жамоанинг ҳозирги бош мураббийи Массимилиано Аллегри ва Антонио Конте ўртасидаги асосий фарқ ҳақида фикр билдирди.
27 ёшли нидерландиялик футболчи шанба куни Италия А Сериясининг 6-туридан ўрин олган "Фрозиноне"га қарши учрашувда жорий мавсумдаги илк голини киритди. Унинг голи "Наполи"нинг 3:0 ҳисобидаги йирик ғалабасига ҳисса қўшди.
"Ўтган мавсум Конте билан ишлаш мен учун осон бўлмади. Ҳозир эса бош мураббийнинг ишончини ҳис қиляпман.
Асосий фарқ шундаки, Аллегри мен билан доимий равишда мулоқот қилади. Конте даврида эса бундай эмасди.
Мураббий менга нималарни яхшироқ бажаришим мумкинлиги, майдонда қандай ҳаракатланишим кераклиги ҳақида мунтазам равишда кўрсатмалар беради", — дея Лангнинг сўзларини келтиради журналист Николо Скира.
Олти турдан кейин "Наполи" 10 очко жамғариб, Италия А Серияси турнир жадвалида олтинчи ўринни эгаллаб турибди.
