"Ливерпуль"нинг собиқ сардори Жейми Каррагер Криштиану Роналду борасида "Манчестер Юнайтед"нинг собиқ ҳимоячиси Рио Фердинанд ва журналист Пирс Морган билан давом этаётган тортишувига яна бир бор муносабат билдирди.
Аввалроқ Каррагер португалиялик футболчини қўллаб-қувватлаётган ҳар икки экспертни танқид қилиб, улар ўзларини кулгили аҳволга солиб қўяётганини таъкидлаган эди.
Бу сафар "Ливерпуль" афсонаси янада олдинга ўтиб, Пирс Морганнинг 2008 йилда эълон қилинган мақоласини топди. Ўша материалда журналист Криштиану Роналдуни "инжиқ бола" деб атаган.
Каррагер мазкур мақоладан олинган газетанинг сурат парчасини X ижтимоий тармоғида эълон қилиб, унга қуйидагича изоҳ қолдирди:
"Қандай сохтакорсан!"
Шу тариқа, Каррагер бугун Роналдуни фаол ҳимоя қилаётган Морганнинг аввал португалиялик футболчи ҳақида билдирган танқидий фикрларини эслатди.
Эслатиб ўтамиз, аввалроқ Криштиану Роналду Португалия миллий терма жамоаси ўйинларидан вақтинча четлатилгани ҳақида хабар берилган эди.
Шунга қарамай, 41 ёшли ҳужумчи ноябрь ойидаги учрашувлар учун миллий жамоага чақирилиши мумкин. Бу ҳақда Португалия футбол федерацияси президенти Педру Проэнса маълум қилган.
