«Рома» бош мураббийи Жан Пьеро Гасперини Италия А Сериясининг 6-туридан ўрин олган «Комо»га қарши учрашувда Дониэлл Маленнинг майдондан четлатилишига муносабат билдирди.
Мазкур баҳс 0:0 ҳисобидаги дуранг билан якунланди. Иккинчи бўлимда Мален тўғридан-тўғри қизил карточка олди ва римликлар учрашувнинг 30 дақиқадан ортиқ қисмини бир киши кам бўлиб ўтказди.
Гасперинининг фикрича, нидерландиялик ҳужумчи рақибига жароҳат етказишни мақсад қилмаган.
«У ўзини ушлаб қолишганига жавобан ҳаракат қилди ва тўпга тегди. Ташқаридан қараганда унинг сакраши хавфли кўринган бўлиши мумкин, аммо у рақибига зарар етказиш ниятида эмасди.
Қизил карточка ўйинни бузди», — дея Гасперинининг сўзларини келтиради Football Italia.
Шунингдек, италиялик мутахассис баҳсли вазиятларни таҳлил қилишда видеотакрорнинг алоҳида тўхтатилган кадрларига таянишни танқид қилди.
«Футбол — бу ҳаракатлардан иборат ўйин, қотиб қолган тасвирлардан эмас. Тўхтатилган кадрлар воқеликни нотўғри акс эттиради. Вазиятларга фақат шундай тасвирлар асосида баҳо беришни бас қилиш вақти келди», — деди «Рома» устози.
Ушбу дурангдан кейин «Рома» 14 очко билан Италия чемпионати турнир жадвалида учинчи ўринни эгаллаб турибди.
«Интер» ва «Лацио» жамоалари эса 16 очкодан жамғарган.
